الرحمانية فى انتظار كارثة

قام المسئولون فى الرحمانية بسد كوبرى المساكن ببعض الحجارة الضخمة وهذا الكوبرى يربط بين الرحمانية و 90% من الأراضى الزراعية بها كما أنه المدخل الرئيسى للرحمانية من هذه الناحية وتركوه منذ فترة ليست قليلة فاضطر الأهالى بإزاحة بعض الأحجار وفتح ثغرة لعبور مواشيهم وسمحت هذه الفتحة بعبور السيارات على الرغم من أن هذا الكوبرى آيل للسقوط

فماذا ينتظر المسئولون هل ينتظرون حدوث كارثة للتحرك

منظر الكوبرى بعد عمل الفتحات وإزاحة الأحجار للعبور

لاحظ جلوس طلبة القرى المجاورة على سور الكوبرى المتهالك فما الذى ينتظره المسئولون للتحرك هل ينتظرون حدوث مصيبة

الرحمانية فى انتظار كارثة 446123713

لازم يعملو ا حاجة مينفعش كده
شكرا لك يا استاذ عـادل

الكوبرى ممكن فى اى لحظة تلاقيه وقع
ارجو من اصحاب القلوب الرحيمة ان يغيثونا من هذا

فعلا الكوبرى ممكن يقع فى اى لحظة
حرام عليهم والله

شكرا يا استاذ عادل على هذا المجهود

يارب

قبل غلق الكوبرى كان العبور على الكوبرى كله أما الأن فأصبح العبور على منطقة واحدة من الكوبرى ونفس الأحمال تعبر منه من مواشى وسيارات وتوك توك وعربات الكارو وغيرها يعنى لم تقل الأحمال من عليه أضف إلى ذلك عشرات الأطنان من الحجارة الموضوعه فوقه والتى أدت إلى عبور كل ذلك من منطقة واحدة فقط يعنى أحمال إضافية أخرى وربنا يستر .

يارب يستر فعلا

أستاذ عادل الموضوع أكبر من اننا نتكلم على المنتدى فيه
الموضوع محتاج تقديم شكوى للمسئولين
مش هنفضل نقول كلنا ربنا يستر ويبقا دا دورنا
احنا لو أتكلمنا على الاهمال هنلاقيه فى كل حاجه عندنا
زى غرف التفتيش المفتوحه والمستشفى اللى الواحد
ممكن يدخل فيها سليم يخرج تعبان ولا الارض اللى بتوقع
عند المعهد الدينى الثانوى بدون اى سبب وكل سنه بيتكرر الموضوع دا
وكل سنه يجى شويه مهندسين يلعبوا فيها شويه بعد شكاوى الاهالى لأنه طريق كذا مدرسه
بس خلاص اهالى المنطقه وصلوا لسبب يخليهم يستحملوا الخطر اللى المنطقه فيه
ان المكان دا فيه شيخ ودا سبب وقوع الارض كل سنه
بتضحاكوا والله بجد أهالى المنطقه بيقولوا كدا

فعلا زى ما قالت اميرة الكوبرى ممكن يقع فى اى لحظه
لازم حد يتصرف
شكرا يا استاذ عادل

احنا من هنا بنادى ويارب حد يستجيب

شكرا على الموضوع المهم
حقا إنها لكارثة

والله يجماعه مركز الرحمانيه ده مش واخت حقه زي كل المراكز وامكانياته ضعيفه جدا
والله انا نفسي يكون مركز حلو كده بس مش عارف الزاي
في وجهه نظري ما هي الا قريه وليست مركز

والله لو قدمنا ألف شكوى للمسئولين مش هيردو
ما إحنا كدة ما نتحركش غير لما تحصل كارثة
دي ممكن تبقى كارثو فعلاٌ لو مترممش
إيه....... تلاقي المسئولين مش خايفين على أهل الرحمانية

ولا حياة لمن تنادى

وايه الى مش متهالك يا عم عادل
كل البلد متهالكة

شوف إحنا نوهنا عن الكوبرى من إمتى وفه ناس قرأت مانكتب عنه ولكن كله مش فاضى كله مشغول بالإنتخابات وعايز يدوق من الكحكة إللى تحت القبه .

عادل الحلاج كتب:: ولا حياة لمن تنادى

لا فى حياة وفى امل لكن لاتزم احنا نتحرك الاول وغلطتنا اننا مخترناش واحد صح علشان يمثلنا

كلهم نيمين على ودنهم

انا عن نفسى مش هنتخب حد

سيدي الدولة ضاعت لان الشغب هذيل ممكن يقوة 4000فلاح بمظاهرة امام مجلس شعب الرحمانية ويطالبوا بعمل ونشات لتمر الحيوانات من علي الكوبري بسلااام وسلام علي البلدي

بفضل الله تعالى ثم بفضل بعض الرجال المحبين لبلدهم ودور منتدى ابن النفيس فى كشف السلبيات الموجوده والتنويه عنها تم تكسير الكوبرى والبدء في تجديده وإن كان توقيت العمل به جاء متأخراً بعض الشئ وفى وقت جنى المحاصيل الزراعية مما له أثر سلبى على المزارع ولكن الحمد لله أن تم البدء فى تجديده .

الحمدلله بس احناطالبين من اخوتنا المزارعين الصبر بقى

طيب شد حيلك وفضى نفسك نص ساعة وروح صور العمل فى الكوبرى

وحياة ربنا انا عاوز شغل بس للاسف الكينج مشغول

حأكلمه حالاً بس بشرط إن الموضوع ده ميشغلكش كتير

خلاص فوت عليه غداً بعد الصلاة إن شاء الله وشكراً لك يا محمد

» (اخبار الرحمانية)سائقي خط الرحمانية – الإسكندرية يعانون من الكارتة الشهرية
» نداء إلى رئيس مجلس المدينة الرحمانية عبر العصور ..... الرحمانية أرض الميعاد
» لكل أهل الرحمانية أسماء الناجحين فى الثانوية العامة والكليات التى التحقوا بها من أبناء الرحمانية
» اخبار الرحمانية الشيمي والفقي نائبان لرئيس مركز ومدينة الرحمانية وشليم رئيساً لقرية بويط
» (اخبار الرحمانية)محلي الرحمانية يرفض تحصيل رسوم النظافة على عدادات الكهرباء. ويطالبون بزيادة ضغط الماء

الرحمانية فى انتظار كارثة

الرحمانية فى انتظار كارثة :: تعاليق

الرحمانية فى انتظار كارثة

مواضيع مماثلة

مواضيع مماثلة