عملنا هيصة وزيطة .. وقلنا حننزل الميدان .علشان التغيير والحرية كمان
أصل فى النظام السابق , كنا بنعانى من الكبت والقمع ومصادرة الآراء
وما فيش حد يقدر يتكلم غير أصحاب السلطة --- قرارهم يمشى على الجميع وفضل الحال بالشكل ده
تلاتين سنة والحال هو الحال ... وفجأة قامت الثورة وقلنا الحال هيتعدل


(تلاتين سنة قصيدة رائعة ) مساهمة وضعها مراقب منتدى الشعر والأدب ( أدونيس)
هذه المساهمة يشرح فيها الشاعر مرار وهوان تلاتين سنة عاشهم الشعب المصرى
وعرض الشاعر وجهة نظره بطريقة بلاغية جميلة ,, شبه فيها الشعب بطفل يرضع الخوف
وده طبعا على سبيل الاستعارة لان بالتأكيد محدش بيرضع خوف ,, ولا حد بيفضل يرضع تلاتين سنة
أقصى سن الرضاعة سنتين .... لكن وماله هنقول ان الشاعر خياله واسع وبيروح لبعيد وهو ده اللى بيدى جمال للقصيدة ------كل ده مفيش فيه مشاكل ومش دى قضيتى ,,,,, قضيتى تبدأ من أول


قمت بطرح وجهة نظرى فى المساهمة نصها ( ويا ترى الشاعر لما خلصوا التلاتين سنة .. بيرضع إيه دلوقت
لبن حليب بزنجبيل ---- ولا اتفطم ) استخدمت التعبير فى مساهمتى بنفس الاسلوب الهذلى الذى استخدمه الشاعر
ولكنى فوجئت بحذف هذه المساهمة وومعرفش هى ليه اتحذفت ,,,,, على رأى الشاعر اللى بيقول :
أحرام على بلابل الدوح ***** حلال للطير من كل جنس

هذا بجانب مساهمة أخرى كانت مطروحة للنقاش وقمت بإبداء رأئ فيها ولكن فوجئت بحذفها هى الاخرى
مش كان الأفضل لغة التحاور ....
مش هو ده أسلوب النظام السابق اللى كنا بنعانى منه ,, القمع وفرض الحظر على آراء الآخرين


يظهر ان ما فيش فايدة الريس هيفضل هو الريس ,,,,, والشعب هيفضل هو الشعب
وضاعت القضية ولا هيبقى فيه ديمقراطية ولا حرية