عادل الحلاج مدير عام المنتدى
العمل : مزاجك : الهوايه : الجنس : عدد المساهمات : 5942 تاريخ التسجيل : 06/06/2009 نقاط : 21416 الموقع : www.ebnalnafes.com
| | نعيد من تانى علشان اللى معرفش وأنا على الربابة بغنى وأقول الأهلى ظلمنى | |
نعيد من تانى علشان اللى معرفش يعرف ============= رسالة لكل من لم يعاصر الحقيقة =========== نغمة جديدة تتردد فى المنتدى حسام وأخوة ياما عملو علشان الأهلى حسام وأخوة ضحوا بأحترافهم فى أوروبا لأنقاذ الأهلى الأهلى ضحى بالتوأم ومشاهم وعلشان كدة راحو الزمالك مبادرة صلح بين جمهور الأهلى وحسام اللى جاب للأهلى البطولات وياما أدى للأهلى من روحة ودمة والجيل الجديد محضرش حسام وهو بيضحى علشان الأهلى والجملة الأخيرة دى نفسى أحط تحتها 100 خط علشان أكملها وأقول حسام وأخوة ضحو بالأهلى علشان مصابين بداء الأنا ونبدأ الحكاية من أولها بعد كأس العالم سنة 90 كان عندنا 7 محترفين فى أوربا 1- مجدى عبد الغنى (الأهلى) من قبل كأس العام 2- هانى رمزى ( الأهلى ) 3 - محمد عبد العظيم ( عظيمة ) (الأهلى ) 4- حسام حسن (الأهلى ) 5 - إبراهيم حسن (الأهلى ) 6- أحمد رمزى (الزمالك ) 7 - مجدى طلبة (هرب من جحيم الزمالك ) 5 لاعبين من الأهلى و2 من الزمالك يعنى الأهلى سابك أنت وأخوك يا حسام للأحتراف من أجل مستقبلك أنت وكان خروج لاعبى الأهلى للأحتراف سببا فى كبوة للأهلى نعترف بهذا ذهب التوأم لباوك اليونانى وبدأت مشاكلهم فأنتقلو لنيو شاتيل السويسرى وزادت المشاكل وأتذكر جيدا ظهور والدة التوأم يومها فى الأعلام موجهة نداء للراحل صالح سليم ألحق ولادى بيتبهدلو برة وكان النداء يومها عبر أخبار الرياضة الجريدة الرياضية الوحيدة هى ومجلة الأهرام الرياضى فى ذلك الوقت فأمر صالح سليم بأعادة التوأم من سويسرا لنجدتهم أولا مهما كانت التكاليف وبالفعل أستعادهم الأهلى فى ذلك الموسم وشارك إبراهيم حسن مع الأهلى محليا وأفريقيا ضد أفريكا سبورت فى مركز الليبرو بالتحديد ولم يشارك حسام فى نهاية ذلك الموسم لعدم وجود أماكن فى القائمة وكان الأهلى فى أحتياج لمركز لإبراهيم وليس حسام فى ذلك الوقت وبقى التوأم سبعة مواسم مع كوكبة من أحسن لاعبى مصر فى الأهلى يحصدون البطولات ( ليس بمفردهم ) وجاء موسم 2000 وبدأ التوأم مبكرا الضغط على الأهلى لحسم التجديد (وكانت سياسة الاهلى فى ذلك الوقت التجديد بعد نهاية الموسم وليس خلالة ) الأهلى كان يريد التجديد لحسام دون إبراهيم لموسم واحد وكان عندة حق لأن إبراهيم كان شطب كورة خلاص والدليل أنة كان ثغرة واضحة فى الجانب الأيمن للزمالك فأصر حسام الضغط على ثابت البطل _ رحمة الله وقال لة بأنة لديهم عقد أحتراف فى تركيا ويريد حسم أمرة مع الأهلى من التجديد فقال لة ثابت يا حسام الأهلى بيجدد أخر الموسم وأنت عارف النظام فقال لة أنة عايز يعرف حيجدد بكام وخصوصا أن عقد تركيا 400 ألف دولار فرد ثابت كل اللى أعرفة يا حسام أن الأهلى مش هيدفعلك الرقم دة وعموما لو مش قادر تستنى أعمل اللى انت شايفة فى مصلحتك وهذا الحوار ذكرة الكابتن أكرامى أمام حسام حسن فى قناة دريم بعد مباراة الستة الشهيرة فى دفاعا عن ثابت البطل الموجود فى ليبيا بعد ذكر حسام أكتر من مرة تخلى الأهلى عنة والسبب ثابت البطل ولم ينكرة حسام حسن وظل صامتا لكشف حقيقتة فرحل حسام وإبراهيم من الأهلى على أعتبار أنهم سيحترفو فى تركيا وكانت المفاجأة هى توقيعهم للزمالك وتتطوت الأحداث وحاول بعض أعضاء مجلس أدارة الأهلى إعادة التوأم ولكن أصدر المايسترو صالح سليم قرار بأغلاق الموضوع تماما على مبدأ اللى يبيعنا مانشتريهوش =============== ورحل حسام وإبرهيم الى الزمالك غير مأسوف عليهم وأتذكر نداء الجماهير الأهلاوية فى المدرجات يا إبراهيم قول لحسام الأهلى من غيركو تمام ويا حسام قول لإبراهيم الأهلى من غيركو عظيم ================ حسام وإبراهيم كانو مرتبين يروحو الزمالك قبلها بفترة فى عهد محمود الجوهرى مدرب الزمالك ولكن الصفقة لم تتم ==================== * إبراهيم حسن كان معشوق جماهير الدرجة التالتة بأستمرار * حسام كان معشوق جماهير الأهلى عموما ظنا من الجمهور فى عشق حسام وإبراهيم للأهلى ولكن للأسف أكتشفنا أن حسام وإبراهيم مبيحبوش غير نفسهم وبس ومافهموش أن جمهور الأهلى بيحب الأهلى وبيحب اللى يحب الأهلى جمهور الأهلى مش بيشجع أشخاص حسام حسن سبت الأهلى ومشيت أنت وأخوك وأحنا مش عايزينك اللى يبيعنا مانشتريهوش مهما كان ومحدش بيلوى دراع الأهلى ولا أكبر من الأهلى ككيان ومتنساش انت وأخوك أن الأهلى هو اللى عملكم وخيرة عليكم وأنكم كنتم أتنين لاعيبة فى وسط المجموعة فكفاية بقى كدب ولو سمحت متجيبش سيرة الأهلى تانى وكفاية تماحيك جمهور الأهلى اللى عارف حقيقتك مش بيحبك ولا تهمنا فى حاجة والقصة دى بقولها للجيل اللى محضرهاش لأنى حضرتها وعلى فكرة كنت من عشاق التوأم | |
|
الأحد يونيو 06, 2010 1:50 pm من طرف حسن البنا