الإمبراطور المدير التنفيذى للمنتديات
العمل : مزاجك : الهوايه : الجنس : عدد المساهمات : 7123 تاريخ التسجيل : 29/01/2010 نقاط : 14844 الموقع : dodo_mo_2010_2050
| | فتاة تتحدث عن الناس الحشرية؟؟ | |
انا بجد مش عارفه امتي هنخلص من الناس الحشريه اللي بيتدخلوا في كل حاجه في حياتنا
لما تكون ماشي في الشارع مع اي حد حتي لو كان بباك يفضلو بقي يجيبو ويودو وياتري مين ده وياتري ماشيه معاه ليه دي طب رايحين فين طب جايين منين طب هيعملو ايه طب وانتو مالكم بيهم
لالالالالالالالالا ده كله كوم ولو شافو بقي ولد وبنت قاعدين في مكان عام مثلا اه دول اكيد ماشيين مع بعض طب ياتري مخطوبين ولايمكن يكونو عرسان جداد تلاقيهم في شهرالعسل لا تلاقيهم متخانقين وجايين هنا عشان يتصالحو وبتبتدي بقي التخمينات طب وانتو مالكم
ولو واحده ساكنه معاهم في الشارع واتطلقوا اه دي تلاقيها هي السبب اه اصلها نكديه ومبتسمعش الكلام ده جوزها امير وكان يتمني لها الرضا ترضي بس هي مش وش عيشة تلا قيها عينها علي حد تاني وياسلام بقي لو الناس دي قابلو صحبتنا اللي اتطلقت ياحبة عيني ياضنايا يابنتي اه هما الرجاله كده مفتريين وتبتدي مصمصة الشفايف وخلاص عينيهم هتدمع طب برضو وانتو مالكم
ولو بقي شافو حد متضايق هيموتو ويعرفو ماله مع انه ميهمهمش في حاجه اصلا وكل الموضوع فضول ويفضلو بقي مالك زعلان ليه ايه اللي جري ونرجع تاني للتخمين بتاعهم ده ويفضلو ورا الواحد لحد ما يقولهم ماله واول مايعرفو ماله هب يغيروا الموضوع علي طول طب وانتو مالكم
وياسلام بقي لو كنت راكب مواصله عامه فجأة تلاقيها اتقلبت ساحة نقاش علي طوول وتلاقي كل الموضوع عن ناكل بطاطس النهارضة ولا بتنجان لاحول ولاقوة الابالله لدرجه دي احنا مجتمع حشري يااااااااا
والله بقي علي حشرييين الخنقات دول ناس في عالم تاني يكون فيه حد بيتخانق مثلا وتلاقي اخينا الحشري ده جاي يجري بسطور ولا بشومة ويلا هيصه ويخبطله اتنين تلاته ويروح بيته جدع الراجل بيجامل طب ماتقف تكمل للاخر بقي ادام انت طرزان بدل ماتجيب للناس مصايب وخلاص
مش عارفه والله لحد امتي هنفضل كده وامتي بقي هنبطل اللي احنا فيه ده ربنا يسهل بجد دي بقت ظاهرة مستفزة في مجتمعنا وياريت بايدينا حيلهم | |
|
الجمعة يونيو 04, 2010 11:42 pm من طرف حسن البنا