فرحنا مصري بالصلاة ع النبى .. والدعوة عااامة

من البدايه كدة هتلاقى الدعوه بتاعت الفرح جايالك وعليها عباره ..

(جنه الاطفال منازلهم)

يعنى من الاخر ابنك دة يقعد فى البيت ومايوريناش وشه
احنا مش عارفين نأكل المعازيم لما هانأكل سعادته

لما تلاقى الزفه الدمياطى الازليه اياها
وبسم الله الرحمن الرحيم وهانبتدي الليله اااااه اااه الليله لأ لأ

وتلاقى البنات بيجروا ورا العروسه عشان ينولوا شرف صحبتها كدة وهى داخله القاعه ويتقاسموا شرف انهم يشيلوا ديلها اقصد ديل الفستان

لما تلاقى العريس بيبخر العروسه عشان الحسد احسن تتكسر ولا حاجه
وتلاقى العروسه بتبخر العريس احسن دة واخد عليها كمبيالات وشيكات
عشان قطع الغيار الغير متوفره وممكن يوديها فى داهيه

لما تلاقى بقى الستات بتمارس احسن هوايه ليها على مر التاريخ وهى
النميمه

ويقعدوا يقولوا:

انا عارفه يا ختى اخدها على ايه دة لا مال ولا جمال

والتانيه تقولها :

والله يا ختى من ناحيه الجمال فهى شبه الليفه المحروقه لكن من ناحيه المال لا دة الواد وقع واقف اه دة ابوها عنده عربيه كارو اقصد (مقطوره )بتدخل له شىء وشويات

وتلاقى البنات بقى واقفه اللى تقول:

ايه دة فستانها بيئه اووووى يااااااااي تري سوفااااج

(وتلاقيها جايه اساسا من كفر حسن ابو شفه )

والتانيه تقولها:

اكيد مأجراه من عند الكوافير اللى عملها التسريحه اللى شبه تسريحه المجانين دى

لما تلاقي قرايب العريس مش عاجبهم قرايب العروسه و العكس صحيح

طبعا و بيبصوا لبعض بإشمئزاز

لما اول حاجه تسمعها اول ما تدخل القاعه وقبل ما تشوف العروسه

والعريس

اغنيه هشام عباس (اسماء الله الحسنى)

لما تلاقى بتاع الكاميرا بيزوووم على الشبكه كانها مثلا قلاده الملكه

اليزابيث الخامسه والعشرين

وتلاقى كل المعازيم هيموتوا بعض وينطوا فوق بعض عشان يتفرجوا عليها

لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك)

وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)

لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب (بعرورر)

لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)

لما تسمع السؤال الابدي
(هو البوفيه هايفتح امتى...الواحد جاع)

لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشري وسد الحنك

لما تسمع الناس وهي بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ما كل واتحشى قال يخفى دة العشا)

لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط
وتلاقيه في سره يقول
ياكش تولعي ياختي انتي وهي

لما تلاقى الزفه انطلقت فى الشوارع مسببه الازعاج لخلق الله
وبيب بيب بيب بيب بيب بيب بيب بيب بيب بيب

فانت ساعتها هتكووووون في فرح مصري مية فى المية
فرحنا مصري بالصلاة ع النبى .. والدعوة عااامة Eek

فرحنا مصري بالصلاة ع النبى .. والدعوة عااامة Eek

بجد موضوع رائع وفعلا انتى جبت المختصر ياموهبه

شكرا يابسام

معزمونيش ليه ماشى

احلى حاجة فيكى يا ريهام
انك واخده الحياة ببساطة جدا

جميل جدا يا ريهام

حنعزمك المره اللى جايه ياحسن
وانت يااميره حتخلى الحياه صعبه ليه
خديها قفش كده
اما سلوى فشكرا بجد على ردك ياسوسو

دا ريهام وصفت فرحها بالظبط
هو ده الى حيحصل

موضوع جميييل

ههههههههه
جميل جدا ياريهام
عقبالى يارب على اللى فى بالى

متقولنا علي ال في بالك يا امبراطور
شكرا يا ريهام

شكرا لمروركم
بس مش فرحى يااسراء
انا شبه الليفه المحروقه الله يسامحك

» مصري رجع من السعودية
» احساس جميل بالصلاة
» كلام بيتقال فى كل بيت مصري
» حكاية طالب مصري في السعودية
» مصري 100%

فرحنا مصري بالصلاة ع النبى .. والدعوة عااامة

فرحنا مصري بالصلاة ع النبى .. والدعوة عااامة :: تعاليق

فرحنا مصري بالصلاة ع النبى .. والدعوة عااامة

مواضيع مماثلة

مواضيع مماثلة