AHMED.JZALA عضو مرشح للإشراف
عدد المساهمات : 422 تاريخ التسجيل : 14/10/2009 نقاط : 6043 الموقع : back ^ bdon ertbak
| | الروح الرياضيه | |
الروح الرياضيه
شجع كوره من المقصوره مش بس من الدرجه التالتــــه
خلـِّي التشجيع يبقى رياضي واوعى الصوره تطلع باهته
ومتشتمشي منافس أبدًا حتى ولو مهزوم بالدســــــــــــته
راعي مشاعر ضيفك برضو واستقبلــــــه بمــوَّده وذوق
إعلِن ع العالم بسلوكك إن مبادئك راسخه وثابتــــــــــــه
ـــــــــــــــــــــــــــــ
شجَّع برضو اللعبه الحلوه حتى ولو كانت لمنافِــــــــــس
خليه يعرف إنك فعلا ًعندك ذوق للفن وحاسِــــــــــــــس
بجمال الألعاب الحلوه مش زي التِمثال الجالِـــــــــــــــس
إعلِن إنك إبن حضاره كانت سايده كل الدنيــــــــــــــــــا
وآثارنا شاهده بتتكلِم عن مجدنا وف كل مجالِـــــــــــــس
ــــــــــــــــــــــــ
ليه في الكوره الناس تتخانق على حاجه هايفه وتتعصَّب
والإخوات ف البيت يتخاصموا واللي بيشتم واللي بيضرب
ليه الروح ما تكون رياضيه حتى ولو كان برَّه الملعـــــب
الغالب يبقى متواضع والمغلوب يفرح لغريمُـــــــــــــــــه
والاتنين في الآخر إخوه ومحبتهُم هـِيا المكسَـــــــــــــــب *****************__________________ | |
|
الخميس أبريل 15, 2010 8:08 pm من طرف حسن البنا