اكبر عريس فى سوهاج.....عم احمد

أكبر عريس
في سوهاج : الحب سر زواجي

عم
احمد عابدي

نرغم أنه تعدى المائة عام إلا أن قطار الزمن رفض أن يترك بصماته
على عم أحمد عابدين أحدث وأكبر عريس في محافظة سوهاج .. ذاكرته .. قسمات
وجهه .. حالته الصحية .. أبت الشيخوخة أن تؤثر في أيا منها ليبدو لناظره
وكأنه في سن الخمسين.

بوجه طفولى وابتسامة تملؤها
البراءة أطل عم أحمد صاحب الـ 103 عاماً على شاشة قناة "المحور" الفضائية
عبر برنامج " 90 دقيقة" الذي يقدمه الاعلامى معتز الدمرداش ليروى ويحكي قصة
زواجه التي كانت حديث الناس مؤخراً.
لم يمر على زواج عم احمد سوى
عشرة أيام فقط،، بعد رفضه اليعيش وحيداًُ بلا شريكة تؤنس وحدته خاصة بعدما
توفيت زوجته الأولي وفشلت زيجته الثانية التي انتهت بالطلاق ليقرر بعدها
البحث عن نصيبه مع أخرى ثالثة.
بتلقائية شديدة اعترف عم احمد
بأنه لجأ للزواج بعد أن تركه الأولاد لظروف الحياة الصعبة وبات وحيداً لم
يجد من يعد له الطعام أو يحضر له كوباً من الشاي مؤكداً أنه اختار زوجته
نعمة بعد تفكير عميق ليتقدم لشقيقها على الفور ويذهب ويطلب يدها قائلا:"
أنا طالب القرب منكم في شقيقتكم نعمة".

اثار
الزمن لم تؤثر عليه

وبكل بساطة روى عم أحمد
تفاصيل زيجته: "النصيب هو اللى ساقني على مراتى .. عدلي سنها مناسب لعمري
.. واخترتها لانها مش من بنات اليوم بتوع الـ 15 أو الـ 20 سنة .. هى عندها
دلوقتى 53 سنةً".
وأرجع عم أحمد سر زواجه للحب
الذي جمعه بزوجته وكان الفيصل في الاختيار، فقال:" مراتي بتحبني وأنا بحبها
كمان وماحدش أجبرها على الجواز .. ثانياً اللى بيشوف انها أفضل مني غلطان،
بالعكس هي أٌقل مني وكنت أستحق أفضل منها".
وبسؤال خبيث ذو مغزى معين من
معتز الدمرداش قال لعم أحمد:" لامؤاخذة ياحاج هل أنت قادراً على الزواج ؟
... وكان الرد سريعا وقاطعاً: أمال إيه ياباشا طبعاً، الحكاية مستورة الحمد
لله، ولا أدوية ولا حاجة، لأني من جيل زمان فصحتي تمام بدليل أنا أقدر
أفتكر أسماء أولادي وأحفادي وأعمارهم كويس".
"مش عار ولا حرام" هكذا رد عم
أحمد على سؤال هل راعى ما سيقوله أهل القرية بزواجه في هذا السن
وقال:" أهل القرية مالهم
ومالنا .. الراجل من حقه أن يتجوز على سنة الله ورسوله وده مش عار ".

الحب
جمعهم

يدور فى الأذهان الآن سؤال عن
كيفية محافظة عم أحمد على صحته، لذا فقد كشف عريس سوهاج للبرنامج عن السر
موضحاً أنها تكمن في تناوله للدهون وقال:" الحمد لله أنا باكل الدهون
البيضاء اللي مايقدرش عليها عيالي ولا أحفادى حتى السمن باكله بالعيش
وساعات باخلطه بالسكر واللبن".
ورفض عم أحمد مسألة الإنجاب
وقال:" أنا مش عاوز عيال .. الحمد لله عدد عائلتي يبلغ 70 فرداً من الأولاد
والبنات والأحفاد، ثانيا مراتي مش في سن يسمح بكده".
وعن علاقة بزوجته أكد عم احمد
أنه يسودها الود والاحترام ولا مجال لغيرة بناته منها، وخلال ذلك تحدثت
نعمة عبر مداخلة هاتفية وقالت لمقدم البرنامج:" أيوه عم أحمد وحشني لما
سافر مصر، وأما يرجع هاعمله الأكل اللي بيحبه .. بينما علق زوجها :" مراتي
بتساعدني حتى فى الاستحمام وتحضير الهدوم أمال أنا جبتها ليه".

واختتم الزوجة حديثها معربة
عن رغبتها في الحج وكانت المفاجأة التي فجرها البرنامج بأنه قرر تسفيرهم
للحج العام المقبل على نفقته الخاصة وتسبب الخبر فى فرحة عارمة بدت على
تعبيرات وجه عم أحمد.

الصور
كما عرضها البرنامج تظهر عم احمد وزوجته

عم
احمد كما بدى خلال صور البرنامج

عم
أحمد يظهر كما عرضته صور البرنامج

عم
احمد عابدين مع زوجته

الحب يصنع المعجزات

الحب ولع فى الدرة
روح ياعم انت مطلعينك من التربة بكفالة

لا
وياترى العروسة عامله ازاى

كتكوته اهى مش شايفاها

يا اخواتى عرسين زى العسل

سمسم ايه رايك ناخدوه معانا فى الفريق يبقى لاعب فوق 70سنة

هههههههههههههههههه
روح قوله كده كان بيتكلم على المحور من شويه
واضح
انها كتكوته خالص
واحنا اكيد رومى قدامها

ايه ده ماخدش بالى
يا اخواتى عليها قمر24

متتكرريش غلطك تانى
كده كانت هتزعل من غير متشفيها تقولى انها كتكوته

ههههههههههههههههههه
شبه حميدة خلف اللى تحت الكوم

هههههههههههههههههههههههههه شبه واحده انا اعرفها

ما قولتلك شبه حميدة خلف اللى هى الشالمه

والله نفسى اشوف حميده دى

طيب افرض فيه واحده اسمها حميدة فعلا من تحت الكوم
طب والله هقولها
وبعدين انت معارفك زى العسل يا زئبقى

فعلا سمسم ميعرفش غير يعينى علينا اخرى الشالمة صح ياسمسم

لاحول ولا قوة إلا بالله أتعيبون الخلق أم الخالق

لا يا استاذى احنا بنضحك على السن فقط اكيد ده كان فى شبابه راجل جميل استغفر الله العظيم

لاحول ولا قوة إلا بالله أتعيبون الخلق أم الخالق

والله مش بنعايب ولا حاجة اصل بيقول الحب سر زواجى
وربنا يهنيهم

خلاص بقى يا استاذ ابو عرفه يا جماعه كل اللى رد يحذف ردوده

وده يتحذف ازاى انا معنديش كلمة حذف

الإستهزاء بالغير والتقليل والتحقير من شأن الأخرين ليس موضع سخريه

فأنتم لا تقبلون أن تشبهوا بمن هم أقل منكم لأنكم ستزعلون بالتأكيد

هدانا وهداكم الله لما فيه الخير وصالح الأعمال

وقوموا بقى ياتذاكروا ياتناموا

والله احنا اسفين كان مجرد هظار

اه والله يا استاذى وانت بتطردنا مممماشى يا استاذى عموما احنا ذااااااااااااااكرنا مية مية صح بس انا قاعد بحفظ شوية قران عالكمبيوتر

يسلام الاحسن ميتجوزش خالص
الحب يصنع المعجزات هههههههه

اسكتى احنا بنهدى

انا اسفة والله مكنتش اقصد

لا ولا يهمك اسفين يا استاذ ابو عرفة

» كارت دعوة من عريس عصبي
» جبر سوهاج 2011
» عريس واطى جدااااا
» جبر وهندسة سوهاج 2012
» عريس عصبى يكتب فى دعوة فرحه........

اكبر عريس فى سوهاج.....عم احمد

اكبر عريس فى سوهاج.....عم احمد :: تعاليق

اكبر عريس فى سوهاج.....عم احمد

مواضيع مماثلة

مواضيع مماثلة