مافيش ست هاتقول يا مستتنى يا مهنينى ، إلا لو كان سعادة البيه مستتها ومهنيها فعلا
..

يعنى .. علشان نطلب من المرأة تدلع جوزها ، أعتقد برضه لازم يكون هو
مدلعها ..

انما المشكلة ان أحيانا الزوجين بيتعاملوا مع بعض بندية وعداء
مالهومش لزمة أبدا ، وبيصعدوا خناقاتهم (لا مش لمجلس الأمن) جامد قوى رغم ان
الخلافات دى تافهة ، انما كل واحد متمسك بكرامته ، ويقولك بقى انا اتهان من واحدة
ست ( كأنها لا مراته ولا تقربله ولا عمره شافها قبل كده ) ، وهى تقول بقى أنا اتهان
من واحد راجل (نفس الكلمتين) ..
بقت الخلافات الزوجية تضايق مش تزعل .. يعنى كل
واحد همه اثبات انه على حق ، وان التانى مخطىء وخلاص .. بغض النظر بقى عن استمرار
حياتهم الزوجية مع بعض من عدمها .. وبقت الاكياس البلاستيك( على رأيك) وسيلة حسم أى
خلاف ..

الغلطة مش غلطة طرف واحد .. يعنى مش غلطة رجل أو غلطة ست .. هى غلطة
منهج تفكير .. لازم نغير تفكيرنا شوية عشان الحياة تستقيم ..

هو لو واحد سمع
راجل متخانق مع مراته هاتحس إن كل الرجالة غلابة ومابيعملوش أى حاجة غلط ، ولو سمعت
الحكاية من مراته هاتحس إن الستات مقهورين فى مجتمع ذكورى .. الخ الخ من الهراء ده
ودى اسمها الخلافات الزوجية