السلام عليكم ورحمة الله وبركاته

اهلا بيكم يا اجمل اعضاء فى الدنيا

طبعا كلنا عارفين كلمة (( مهى كوسه!! ))

بس مش عارفين هى جاتلنا منين ؟؟

وبقت على لسان كل واحد كدا ازاى

انا انهرده جاى اقولكم هى جات ازاى؟؟

يلا نشوف مع بعض

_ _ _ _ _ _ _ _ _ _ _ _ _ _ _ _ _ _ _

كان يا مكان في قديم الزمان - مش زمان اوى يعنى -

مثلا ايام المماليك او العثمانيين كدة

كانت القاهرة ليها سور كبير



و كانت الاسوار بتتقفل الساعة 8 بالليل و ممنوع اي حد يدخل بعد كدة

- شايف كان فيه نظام ازاى ما شافوهاش و هى على البحرى دلوقتى -



المهم
فكان اي حد من الفلاحين يحاول يدخل بعد الساعة 8 ميعرفش خالص مهما كان


الا الفلاحين اللى بيزرعوا كوسة !!

و ده بسبب زراعى جدا وهو ان الكوسة ما ينفعشي تتحصد الا بالليل بعد 12 كدة مثلا




فكان الباب يخبط


طق طق طق

مييييين ؟

انا

انت مين ؟

انا فلان الفلانى اتأخرت و جيت اهو

لا مانتش داخل و بوووووووووووم طاخ طيخ طووووخ




بعدها يخبط الباب


طق طق طق

ميييييين ؟

انا

انت مين

كوووووسة



يقوم الباب مفتوح





ومن يوميها و الكوسة بقت رمز من رموز الوطن قصدى رمز للمحسوبية وخير مثال لها


يلا بقى اعرفوا تاريخكوا و ان الكوسة دى حاجة وطنية لازم نفتخر بيها


_ _ _ _ _ _ _ _ _ _ _ _ _ _ _ _ _ _ _



,,, تم بحمد الله ,,,