طبقات الكيك بالأيس كريم والفواكه ::


المقادير:

كيكة بنكهة البرتقال (بيتي كروكر)
الفانيليا
ايس كريم بالفراولة و الفانيليا والمنجا
عصير اي نكهة والافضل برتقال او اناناس
فراولة مقطعة
كيوي مقطع
خوخ مقطع

للزينة:

كريم شانتيه
فستق مدقوق


الطريقة:

الطريقة الأولى:
بعد خبز الكيك تقسم كل كيكة الى نصفين ثم نضع في نفس الصينية التي تم خبز الكيك بها
نصف كيكة البرتقال تم نسقية بشوي عصيربعدين نضع جزء من قطع الفواكه بعدين مغرفة ايسكريم من كل نوع بعدين نضيف نصف كيكة الفانيليا ونسوي نفس الطريقة السابقة حتى يصبح لدينا طبقات ونضعها بالفريزر لمدة 12 ساعة وقبل التقديم بربع ساعة نخرجها ونقلبها
ونزينها بالكريم شانتيه والفستق.

الطريقة الثانية:
وهذه طبعا اسهل
نحضر اكواب طويلة ونضع المقادير عبارة عن طبقات
ابتداء بالكيك ثم نسقيه بالعصير ثم نضع قطع الفواكه ثم الايسكريم وهكذا حتى نهاية الكمية
ونضعه بالفريزر وعند التقديم نخرجه ونزينه بالكريم شانتيه والفستق...
وبالهنا والعافية

رمضان جانا يلا نجهز حاجتة معانا

--------------------------------------------------------------------------------

الزبادى
كيلو اللبن هنجيبة نغلية عادى جدا بس تعرفوا ان اللبن الصح انة يتغلى فى حمام مية لان بغلية مباشرة على النار الكالسيوم بيترسب فى قعر الحلة وبتضيع نص الا ستفادة منة والمفترض على حمام مية مع التقليب المستمر وطبعا العملية دى بتاخد وقت وكلنا مش فاضيين بس على الاقل على نار هادية اوى مع التقليب المستمر وطبعا الخطوة دى بتفرق فى الفايدة والطعم الاصلى للبن مبيكونش فية طعم او ريحة الشياط بيبقى الطعم حلو اوى وبتفرق طبعا فى طعم علبة الزبادى المهم غلينا كيلو اللبن نسيبة يهدى بحيث لو حطينا صوباعنا نتحمل الحرارة هنحطة فى الخلاط مع معلقتين كبار زبادى وانا باستعمل زبادى بلدى مضمون المصدر والسر معلقتين صغيرين لبن بودرة ونضرب كويس اوى هنشوف الرغوة العالية هنكون محضرين الكاسات وانا باستعمل كوبايات فخار بغطاء برضة فخار خصوصى للزبادى جايباها من عند الراجل بتاع الفخار بتكون جافة ونضيفة وطعم الزبادى فيها هايل بابدا اصوب الزبادى بشويش كل كوباية ربعها او اقل وفى الاخر املىء كل الكوبايات ودة علشان كل كوباية تاخد جزء من الرغوة اللى بتعمل وش للزبادى اوك؟فى طريقتين للخطوة الجاية اما انى اولع الفرن على العالى ربع ساعة واطفية واحط كوبايات الزبادى فى صينية فرن نصها مية سخنة وتدخل الفرن لغاية الصبح دا لو احنا عاملين الزبادى من بليل او فى جهاز مخصوص للزبادى عارفينة طبعا او ودة اللى انا بعملة جبت اكبر حلة فى الطقم وشلت اوكرتها من فوق ودخلت مكانها لمبة عادية موصلاها بسلك عادى فى نهايتة فيشة تتحط فى الكهرباء تمام؟ بحط الزبادى فى الحلة وبغطيها وبحط الفيشة فى الكهرباء لمدة 12 ساعة وصدقونى دا الطعم الحقيقى للزبادى لان الحرارة خفيفة وصح وهى دى المفروضة يعنى حرارة اللمبة حاجة كدة ذى ما بنسوى الفول المدمس على نار اشبة بنار الشمعة فبيطلعوا احلى شوية فول فى الدنيا وياريت تجربوا لان علبة الزبادى بتطلع متجانسة وطعمها جميل وخاصة بقة فى رمضان وكل سنة وانتم طيبين