أول حصة ( تعارف )

انا أول ما دخلت توقعت ان كلهم يقوموا يقفوا ( العادى يعنى على اساس انى الميس )

بس مين فضلوا قاعدين زى ما هما فقولت أقولهم كلمة يمكن ياخدوا بالهم منى

فقلت لهم سلاموا عليكم

ففيه واحد و لا اتنين و الله ما انا فاكره ( ربنا يكفيكوا شر الزهايمر ) اللى ردوا عليا بس و هما قاعدين مطرحهم ما حدش هان عليه يقوم يقف

بس ما سكتش بقا و الشر ابتدا

قولتلهم فى ايه يا سنه زفت هو انا جايه اشتغل فى مدرسة مشلولين قوم يا شحط انت و هو اقف و انا من جوايا باترعش و خايفه من رد فعلهم


و العيال فى محاوله لجس النبض فيهم اللى و قف و فيهم اللى ما وقفش


المهم قولت بلاش اعملها حكاية و الطيب احسن برضه


فقولت لهم الناس المحترمة اللى وقفت كل سنه و هما طيبين


و الكلمة تقريبا حركت كام واحد ابن ناس كده فالعدد زاد كام واحد


و كلهم راحوا ردوا و حضرتك طيبة


فقلت لهم اتفضلوا اقعدوا و قولت اقدم نفسى بقى فقلت لهم انا مدرسة الكمبيوتر الجديدة و ان شاء الله هاديكم السنة دى


فكام واحد رزل كده فى نفس واحد هيييييييييييييييييييييييييه


المهم فوت و قولت اهو ترحيب برضة احسن ما كانوا قالوا ييييييييييييييييييييه

قولت لهم عايزه بقى اتعرف عليكم واحد واحد بالدور كده يقولى اسمه ايه طبعا و انا بابتسم ابتسامه صفرا ( أعمل ايه العيال شكلها يخض )

فابتدوا يردوا اللى يقول اسمه و اللى يقول اسم الدلع

وواحد قاللى أول ما اروح هابقى اسألك ماما هى كانت قالته لى الصبح بس نسيته

فروحت مطلعه له الموبايل و أنا رافعه حاجبى اليمين عند منبت شعرى تقريباً و قلت له طب ما تتصل بيها تسألها يا حبيبى أحسن
و واحد قاللى محمد
فقلت له ماشى يا محمد
فقاللى لأ ده اسم ابن خالتى انا بقى على و واحد رزل قاللى مش فاكر ثانيه واحده اشوفهولك فى القايمه و التانى قاللى أخ نسيته هاطلع الكشكول اشوفه أصل ماما بتكتبه لى على التيكيت

فقلت له لأ يا ظريف خليها تبقى تكتبه لك على القميص المره الجايه

و واحد قاللى انا بقى ما اعرفوش اصل احنا كتير فى البيت و طول اليوم ماما بتنده فباتلخبط بس هو العموم يا محمود يا مصطفى يا احمد يا اما منى أو مروة مش عارف و الله و واحد قاللى ولا يا عمرو هو انا اسمى ايه
فقلت له يعنى عمرو عارف اسمك و انت لأ و بعدين انت فاكر اسم عمرو و اسمك لأ
فقالى أه أصله صاحبى و بعدين ما هو بيندهلى على طول فأكيد عارفه و التانى قاللى اسمى زفت بابا ما بيقوليش غير كده فى البيت

و واحد قاللى هو حاجة عبد الله

فصل البنات

بعد ما نزلت من فصل المعاتيه ده قولت ابص فى الجدول فلقيت الحصة الجاية فى 3/2

فقولت لهم و 3/2 ده بقى فصل بنات و لا صبيان

فقالوا لى لأ بقى اطمنى ده فصل بنات

فقلت الحمد لله

و قعدت أغنى بينى و بين نفسى لحسن يقولوا عليا مجنون

** البنات البنات الطف الكائنات **

و طلعت الحصة وانا كلى أمل

و أول ما دخلت الفصل لقيت برضة نظرات غريبة

بس المرة دى النظرات بقت نظرات فحص من فوق لتحت زى ما تكون كل واحدة فيهم حما و هاتجوزنى ابنها

المهم ابتسمت لهم و استنيت انهم يقفوا

بس فضلوا قاعدين و متنحين زى الكبب

قولت مش مشكلة و دول برضه بنات و دخلة الشلل و قوم فز مش هاتنفع معاهم

فقلت لهم كل سنة و انتوا طيبين

فردوا بس من غير نفس و انتى طيبة

فقلت لهم انا مدرسة الكمبيوتر الجديدة

فقامت واحدة و قالت لى ليه ؟

فقلت لها هو ايه اللى ليه يا حبيبتى

قالت لى ليه حضرتك اللى هاتدينا امال فين ميس رباب

قلت لها مشيت

راحت فين

الله اما طولك يا روح

قولت لها ما اعرفش راحت فين

فقامت واحده تانية و قالت لى يعنى سابت المدرسة

فقلت لها اه

فقالت لى احسن دى كانت رخمة

فقلت لها بلاش نجيب فى سيرة حد خلينا فى نفسنا

فقالت لى على رأيك يا ميس هو حضرتك متجوزة

و البت عينها على ايدى و شايفه كويس ان مافيهاش دبلة بس رخامة بقى

فقلت لها لأ يا حبيبتى

فقامت واحده تانية رخمة و قالت لى طب عندك ولاد يا ميس

قلت لها لأ أصل الافندى بتاعى عايزنا نأجل كام سنه يا حبيبتى

فسمعت بت رذله و هى بتقول ههها

فقلت أكبر دماغى بدل ما اجيبها من شعرها

و عملت نفسى ما سمعتش حاجه

و حبيت ابتدى معاهم فى المنهج بقا

و قلت لهم احنا السنه دى هاناخد برمجة ان شاء الله

لقيت النظرات كلها قلبت على تخلف عقلى كده و الشفايف التحتانية دلدلت و بقى شكلهم اهطل من بعض


فقلت لهم ايه يا جماعة باقول برمجة Visual basic يعنى

فقالوا لى هه

يا دى النيله على طقم العبط اللى وقعت وسطيه

يا بنتى انتى و هى البرنامج سهل و الله و ان شاء الله هانعمل بيه حاجات لذيذه جداً

و الله ما انا عارفه باضحك عليهم و لا على نفسى


ما هو الصراحة بقى دى مش خلق برمجة و لا خلق كمبيوتر حتى

الله يخرب بيت التدريس و اليوم الاسود اللى درست فيه

الله يسامحك يا قاسم يا امين ما كان زمانى قاعده فى البيت كافيه خيرى شرى و ما كنتش شوفت العاهات دى

المهم حاولت معاهم يمين شمال انهم يفهموا بس الحمد لله فى الأخر فهموا

أو هما حاولوا يوهمونى بكده عشان ما ارغيش اكتر من كده و يخلصوا منى

الا كام واحده كده أرخم من الرخامه فضلوا يبصوا لى زى ما اكون السبب فى طلاق امهاتهم


بس الحمد لله خلصت الحصة على خير قبل ما اخنق لى واحده منهم و لا اتنين

و ابتديت اضرب )

يارب تكون عجبتكم
مستنيل الردود

ههههههههههههههههه حلوة جدا بس بتحصل كتير

شكرا على روددكم المتميزه
ويارب يكون عجبكم

جمييييييييييييييييييييييييييييل جدااااااااااااااااااااااااااااا

تسلم الايادى

ههههههههههههههههههههههههه
تعرفوا ان الموضوع دة حصل عندنا فى المدرسة بس لمدرسة رسم
ياعينى مستنتش فى المدرسة يوم واحد بعدها

اكيد انتوا زمانكم بهدلتوها
بس اكيد ماشفتش اكتر من المدرسه دى

لا والله شافت اكتر بكتيــــــــــــــــــــــــــــــــــــــــر

وبتاعة الموسيقى يا عبد الله

حرام عليكم والله براحه شويه مع المدرسين


_________________-
افضل علاج للقلق ان تتحدث عن متاعبك لمن تثق فيه

الحجات دى بتحصل عندنا يوميا
مع المدرسين الجداد بس وبذات المدرسات

انا متشكره على رد محمد
بس لوسمحت لو الموضوع مش عاجبك متردش
وياريت متغلطش لان المنتدى مش للغلط لوالقصه مش
حلوه النقاش يبقى براحه مش كده

لا لو زعلتى منى هزعل انا كمان

انت حد بياخد على كلامك

ياااااااااااااااااااااااااااااااااه موضوع كبير اوى....ماعلينا يمكن يكون حلو مع انى مكملتهوش
اصل لنل بصراحة كسلان اوى

هو فعلا موضوع كبير بس بجد قصه مضحه جداااااااااااااااااا
وهتعجبكم اوى

هههههههههههههههه

رائع يا ضحى
يعينى دى زمانها اتبهدلت الله يكون فى عونها

بيحصل في كل المدارس وخصوصا مع مدرسى المواد مثل الرسم والزراعة و.................

مشكووووووووووووووووور جدا الموقف ده حصل مع مدرس قبل كدا وطلعت عليه البلاء الاسود فى الحصص طول سنه تانيه

انا نص المدرسين الى أدونى فى تانيه طلعت عينهم
من عدم حضور وبرود لنهم عاوزنى اخد عندهم درس بالعفيه
(مش انا خالص الى يتعمل معايا كده)

هى ماكنتش عاوزه تديهم درس بالعافيه
هى كانت بس عايزه تشرحلهم بهدوء

لأ انا بتكلم عن المدرسين الرجاله اما الابلوات انا راجل جنتل محضرش الحصهمن الاول عشان مدايقهاش

ههههههههههههههههههههههههههههه حلوة يا ضحى زى اللى بيحصل مع لاستاذ عبدالله ندا

ياولاد المجانين ياولاد المجانين
هههههههههههههههههههههااااااااااااى
ههههههههههههااااااااااااااااااااااااى