للصداقة تعريفات ومعاني كتيرة عند كل الناس
لكن معني الصداقة:::
انك تحس معاة انك بتتكلم مع نفسك بس بصوت عالي
هذا الاحساس الحلزوني اللي يخليك تقع من الضحك لما تفتكر موقف حصل بينكم وقعدتوا تضحكوا كتير علية
انك يوم ما تكون زعلان وتشوف الدنيا كاروهات تلاقية ماسك ايديك جامد ويفكرك بكلمة قولتها لية قبل كدة عشان تشجعة ويحسسك انة فاكر كل حرف اتقال بينكم
لما تيجي مناسبة حلوة وتبقي من كتر ما الكلام مش قادر يوصف احساسك تقعد تقول كلام ملخبط وساعات اهبل وفيالاخر تقولة انت فاهم حاجة
لما يكون كل الناس شايفينك عادي بس يجي هو ويعرفك انك مش عادي وانك عامل زي اللمبة بتفضل مطفية بس وقت ما بتنور بتنور لكل الناس حتي اللي شايفينك لمبة قلاووظ محروقة
انة دايما بيشجعك تنفتح علي العالم وتجري وتطير ويقول لك مش انت اللي تفضل مستخبي
انك لما تكون فرحان زي الطفل بحاجة عملتها جديدة حتي لو صغيرة تلاقية اول واحد واقف جنبك ويقولك مش قولتلك انك هتقدر تعملها
عارفين مش مهم دة كلة قد ما مهم انكم متخذلوش اصحابكم
لانكم وقتها هتكسرو كل حاجة حلوة كانت جواكم
مع تحياتى
همسايه
الجمعة فبراير 10, 2012 2:39 pm من طرف ساحر الكلمه