أدونييس عضو مميز
العمل : الهوايه : الجنس : عدد المساهمات : 146 تاريخ التسجيل : 22/09/2010 نقاط : 5317 الموقع : الخيل والليل والبيداء تعرفنى...وأنامطنش
| | " تلاتين سنة " قصيدة رائعة | |
" "تلاتين سنه عشت أرضع فيكى خوف كنت بحبى فوق ترابك لما أسمع صوت غرابك ألقى شعرى لونه شاب ألقى صوت الضحك غاب قبل ما أنطق بالكلام ولا أعرف إيه علام رضعونى الخوف حروف كل ما أكـــــــــــــــــــبر ألقى الخطاوى بين دروبك منى تاهــــــــــــــــت كل ما أكبر ألقى الأمل فى عيون غروبك لونه باهــــــــــــــــت قبل ما أفتح عيونى علمونى إزاى أنافق إزاى أسقف أقول موافق أرقص أغنى مع الدفوف خطوه خطوه تاتا تاتا جبت صندل نوعه باتا رحت أمشى رحت أخطى علمومنى إزاى أوطى طعم ضحكى كان برئ قالوا أوعى تكون جرئ يدبحوك زى الخروف رحت المدارس إبتدائى نشيد عروبتى كان غنائى غيروا لينا المناهج شخبطوا لون انتمائى قالوا المبادئ فكر صادئ شئ مكرر والضمير دا شئ خطير مبقاش مقرر والتاريخ حسب الظروف علمونى أحفظ أصم أقفل سنانى بوذى أضم قالوا اسكت لو تشوف أى غش إياك تهش أوتقول تزويير كشوف قعدت أقرا سهرت أذاكر قلت أحلى يبقى باكر كنت فاكـــــــــــــــر إنى هقبض بالألوف خدت الشهاده ورحت جامعه والقيت عيونى بفرحه لامعه شفت الحرس راكب فرس مانع أذانك والجرس صوتنا انخـــــــــــرس وانـــــــــــــــــــغرس خنجر اليأس فى جروحى وانطفت شمعة طموحى لما قـــــــــــــــــــــالوا استنى دورك فى الصفوف خدت المؤهل وبقيت شباب سدوا فى وشى كل باب شفت الرشاوى والوسايط والفساد دخانه شايط والشوارع نورها زايط والمراكبى جايب عبايط مش عارفه إيه معنى الكسوف تلاتين سنه نفس الفراعنه والوشوش راكبه الكراسى والعروش ناهبه القروش ماليه الكروش راسمه الصور فوق النعوش ماتقولوش نفس الملامح والنقوش دول ديابه مع الوحوش نسور سكنوا القصور خلونا نسكن فى الكهوف تلاتين سنه ما كنتش أعرف أزور أماكنك تايهه منى خيوط مساكنك عطشان محبه جعان لخيرك كنتى ترمينى لغيرك قفلتى عش فى وش طيرك والغريب فيكى يطوف تلاتين سنه والحلم جواى كان يموت والأمور كانت عجيبه ع الكفن بدفع ضريبه واللى داخل جوا قبره يدفع رسوم علشان يفوت ولما أرفع أى صوت كنت أخد بالكفوف تلاتين سنه عشت أرضع فيكى خوف | |
|
الأحد يونيو 19, 2011 3:39 pm من طرف عادل الحلاج