عارف ليه الكل بيهاجم السلفيين لإنهم فى دينهم متشددين , ومش بس كده
دول متعصبين فى منهجهم جدا وياريت متعصبين وبيعملوا بيه ... بالبلدى كده .. بأمروا الناس بالبر وبينسوا أنفسهم --- وطبعا مننساش عداءهم الشديد للأقباط ,,, وهنا بقى خطورة الموقف .. لان أعداء الاسلام عرفوا كده فيهم فكانت هى دى الشرارة اللى ساعدت على قيام الفتنة الطائفية اللى عايزين بيها يقسموا البلد
أعداء الاسلام اتخذوا من الشرارة دى سلاح يزرعوا بيه الفتنة بين المتشددين من الطرفين فبصراحة السلفيين أكترهم مظلوم فى موضوع الفتنة ده لان هناك من يرتدى زيهم ويقوم بأعمال التخريب .
تخيل لما يبقى فيه جاسوس اسرائيلى يدخل المسجد ويدى فيه محاضرات باسم السلف فى الدين وطبعا كلامه مش مظبوط .. لكنه بيتكلم فى الدين لمجتمع جاهل بدينه .. مش بالذمه ده عار علينا
على فكرة مش كل السلف يعمل بمنطق الأمر بالمعروف ولا يأتيه فيه مجموعة بصراحة الحق يتقال مستمرة على منهجها بدون فصال .. بدليل أن فيه جماعة رفضوا الخروج على الحاكم وقالوا حرام وهم دول اللى عندهم انتماء للخليفة بتاعهم .. صحيح وان كانوا بيدعوا من قلوبهم بسقوط الحاكم إلا أن أكترهم كان سلبى فى الموضوع ده
إنما إيه موضوع كاميليا معاهم ده ............... اللى أنا مش فاهمه هى كاميليا تبقى لهم إيه

اوعى تقول أختهم فى الإسلام ....... أصل البنات اللى كانت بتغتصب برده أخواتنا فى الاسلام