أدونييس عضو مميز
العمل : الهوايه : الجنس : عدد المساهمات : 146 تاريخ التسجيل : 22/09/2010 نقاط : 5317 الموقع : الخيل والليل والبيداء تعرفنى...وأنامطنش
| | "ياعم الدين يسر" | |
ياعم..الدين يسر..!!
...ليلى بنت محجبة حجاب شرعى ..ملتزمة ..خلوقه
خرجت من بيتها ذاهبه الى بيت خالتها
وعندما وصلت ورأتها خالتها ,,تفاجئت خالتها وسارعت بقول:
ايه اللى انتى عملاه فى نفسك دى يابنتى ..انتى اجننتى
فردت ليلى قائلة:
عملا ايه ياخالتو..؟؟؟
خالتها:ايه الخيمة اللى انتى لبساها دى ..انتى مخبية نفسك كده ليه يابنتى ..فى حد بيجرى وراكى؟؟!!!
يابنتى دا الدين يسررررررررر!!!!!!!!!!!!
احمد شاب ملتزم ..خلوق..محب لله ومتبع لسنة رسوله
زارهم فى احد الايام عمته وبناتها الحلوات المتبرجات
العمه :ازيك يا احمد ياحبيبى عامل ايه
احمد :ازيك ياعمتى الحمد لله بخير
(واخذ الكل يسلم على الكل ..عدا احمد لم يسلم على بنات عمته)
سها (بنت عمته)ازيك يا احمد (مدت يدها لتُسلم عليه)
احمد :اهلا ازيك ياسها (وهو واضع يده وراء ظهره ولم يمدها ليُسلم عليه)
سها :ايه ده يا احمد انت مش هتسلم عليا
انتبهت العمه للكلام واسرعت قائله:
ايه ده يا واد يا احمد انت مش هتسلم على بنات عمتك؟؟!!
احمد :معلش ياعمتى ..مينفعش اسلم عليهم حرااااااااااااام
العمه : يابنى ده الدين يسرررررررررر!!
فوزية مرات فوزى ..زوجة خلوقه ملتزمة طائعه لزوجها
فوزى :بقولك يافوزية انا معايا قرشين وعايز احتهم فى البنك
اهو ينفعونا بالفوايد بتاعتهم ونجهز بيهم العيال
فوزية :لا يافوزى الله يكرمك ..فوايد ايه دا بيقولوا ربا ايه احنا مش ناقصين قلة بركة كمان
فوزى:ايه دا يافوزيه دا الدين يسررررررررررررر
حسام شاب عادى (بلغة الشباب العادى)
كل يوم يرجع من الجامعة يصلى الوقت على الوقت
وبسرعه شديدة جدا ,,عشان يلحق النت والشات واصحابه والجم والرياضة و..و..و
لكن الصلاة!!!!!!!!! مش مهم الوقت على الوقت!!!!!!
والدته بتقوله :ياحسام مينفعش كده يابنى حق ربنا ياحبيبى,,,انك تجيب الصلاة على الصلاة ده حراااااااااام"
حسام: ماماااااااااااااااا بلاش التعقيد ده المهم بصلى مش احسن من اللى مش بيصلوا ياماما دا الدين يسررررررررررررررر
__________________________
وكتييييييييييييييييييييير من المواقف دى اللى بنتعرض لها كل يوم
وتكرر نفس الجملة "ده الدين يسرررررررررررر"
والمهم هنا ابيض (القلب )
واحنا احسن من ناس غيرنا
وهكذا.....
واكنى كلمة الدين يسر اصبحت هى الشماعة المعتادة لتعليق التبريرات المختلفة لذنوبنا ومعاصينا وتقصيرنا فى جنب الله
الكلمة لا غبار عليها على الاطلاق
فعلا وبصدق الدين يسر
ويسر جدا كمااااااااااااااااااااااان
لكن لو كنا بنطبقه صح ,,على مُراد الله منا
تعالوا نرد على المواقف اللى معانا فوق
فى الموقف الاول بتاع الحجاب::::::::
نرد على الخاله:::::::
هو لما البنت تلبس حجاب صح وتستر نفسها تبقى مخبية نفسها؟؟؟ وخايفه من حاجه؟؟؟
هى صحيح خايفه ,,بس خايفه من ربنا
لما ربنا جل جلاله فرض الحجاب على المرأة بمواصفات معينه هل ده من باب العسر عليها ؟؟؟!!
ابدا والله من اقصى ابواب اليسر
الحجاب ستر ,,حماية,,عفه
الحجاب حماية من اصحاب النفوس الضعيفه
الحجاب عزة.. ومملكة للبنت
بس الحجاب الصح الشرعى اللى ربنا اراده
اللى لا يصف ولا يشف واسع فضفاض مغطى جميع اجزاء البدن
فى موقف احمد لما مرديش يسلم على بنات عمته:::::::
نرد على العمه::::::::::::::
الرسول صلى الله عليه وسلم قال :
" ..(( لأن يضرب أحدكم في رأسه بمخيط من حديد خير له من ان يمس امرأة لا تحل له"
هو لما ربنا يحرم سلام المرأة على الرجل والرجل على المرأه ده مش يسر؟؟؟
هو ده مش حمايه لقلب البنت والولد ؟؟؟
محدش فينا كبير على الفتنة!!
ده ربنا يريد تطهير قلبك
بيحافظ عليكى من اقل حاجه
ومتقليش دول زى اخواتى !!!!!!!!!!!!!!
اخواتك من ابيك ومن امك وليس من عمتك
فى موقف فوزى اللى عايز يضع فلوسه فى البنك
ناس كتيييير بتقول امال هحط فلوسى فين ..ممكن تتسرق مثلا
جمييل جدا ,,,طيب ممكن نشوف وسائل تانية كتير
هو لازم ربا يعنى
وبعدين جنيه ربا اشد عند الله من ستة وثلاثين زنية
هل انت اد العذاب ده؟؟؟؟؟
ولما ربنا سبحانه يقول ::::
قال تعالى:{الَّذِينَ يَأْكُلُونَ الرِّبَا لا يَقُومُونَ إِلا كَمَا يَقُومُ الَّذِي يَتَخَبَّطُهُ الشَّيْطَانُ مِنْ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا فَمَنْ جَاءَهُ مَوْعِظَةٌ مِنْ رَبِّهِ فَانتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُوْلَئِكَ أَصْحَابُ النَّارِ هُمْ فِيهَا خَالِدُونَ (275) يَمْحَقُ اللَّهُ الرِّبَا وَيُرْبِي الصَّدَقَاتِ وَاللَّهُ لا يُحِبُّ كُلَّ كَفَّارٍ أَثِيمٍ}، [سورة: البقرة - الأية: 276:275]
قال تعالى: (يَمْحَقُ اللّهُ الْرّبَا وَيُرْبِي الصّدَقَاتِ وَاللّهُ لاَ يُحِبّ كُلّ كَفّارٍ أَثِيمٍ) [سورة: البقرة - الأية: 276]
قال تعالى: (يَأَيّهَا الّذِينَ آمَنُواْ اتّقُواْ اللّهَ وَذَرُواْ مَا بَقِيَ مِنَ الرّبَا إِن كُنْتُمْ مّؤْمِنِينَ) [سورة: البقرة - الأية: 278]
اعتقد الواحد يخاف اشد الخوف من هذا الوعيد والعذاب
يبقى الدين يسر ..ان حرم علينا ما فيه قلة بركة لينا فى الدنيا وعذاب فى الاخرة
فى موقف حسام اللى بيصلى بسرعه ويجيب الوقت على الوقت
ربنا لما شرع لينا الصلوات جعلهم لنا خمس فقط
الموضوع كله دقائق معدودة
كتير على ربنا
ما هو ربنا بيرزقنا وبيهدينا وبيحافظ علينا ..و..و
حتى حق ربنا وابسط الحقوق هتسخسرها
وانى اجيب صلاة على صلاة واسهى عن الصلاة فيها ويل ووعيد
"ويل للمصلين الذين هم عن صلاتهم ساهون"
______________________________ | |
|
الخميس يونيو 09, 2011 10:19 pm من طرف إلا صلاتي