السلام عليكم ورحمه الله وبركاته


ندخل على طول فى الموضوع

يا شباب أنا نظرت للتوبيك اللى فات

إزاي تتجوز بجنيه واحد فقط ف سنه 2011 ؟


ولقيت ناس كتير صعبت الموضوع

وبصراحة كدا اه عندهم حق

بس انا مقلتش لحد مننا يمسك الموضوع ده او يتولى على الاشراف

لان كل منا له مصالحة الخاصة او الدراسة ده اكيد

انا عن نفسى توجهت الى مسجد الحى الذى أسكن فيه

وزى مقلت طبعت الوقة وأعدت صياغتها وطبعتها

ووديتها على المسجد لشيخ المسجد وبصراحة أعجب جدا بالفكرة

ولكن

طرح عليا بعض من الاسئلة ولكن كان هناك الرد

من سيذهب كل يوم لاحضار الفلوس

قلتلو مفيش واحد هيروح وانا مقلتش كل يوم نجمع الفلوس

انا بقول أكيد كل مكان فيه لجنة زكاة واللجنه دى بتساعد ناس كتير جدا

فهنعمل حل جميل جدا علشان أولا

ميبقاض الشباب بس اللى بيشارك لا الكبار كمان ده

ولو فى رجل أعمال عايز يمول الموضوع ده كمان أهلا بيه

نعمل ايه

هنعمل صندوق فى المساجد تحت مسمى " صندوق زواج الشباب "

ويتعمل لجنه من لجنة الزكاة تكون مسؤلة عن جمع الفلوس أكيد من الصناديق

وما على الناس والشباب الا انهم يضعوا كل اسبوع 5 جنيه مش 7 جنيه كمان

وبعدين

هيكون فى مركز للجنة خاص بيها

وطبعا هيبقى كل لجنة ليها مكان محدد يعنى مش كل الماحفظة على بعضها لا

تقسم لمناطق

ثانيا يتقدم الشاب ولابد وحتما ان يكون من سكان ومن شباب المنطقة دى

ويتروح للجنة بس لازم يكون فى شروط حتى لا تكون متعا لمن يريد

على سبيل الميثال

1. أن يكون من أهل المنطقة التحقق من ذلك من البطاقة

2. أن يكون له وظيفة او صنعة او أى شئ من هذا القبيل يضم لهم
الحياة الكريمة بعد الزواج
لان مينفعش نجوز حد لا يملك أى شغل حتى لو واقف فى محل
بس المهم شغل يعيش منو

3. يتقدم لهم ويتحدث اليهم ويتفق معهم على الاشياء التى يريد شرائها

حتى نضمن أن لا يتبعثر الفلوس فى كلام فارغ بعيد عن الاكتفاء الذاتى

وكيفما يرى فيعطى له المبلغ المناسب وليس 100 ألف أو غيرو

هناك من يقول انه ليس هناك شقق 90 ألف وكدا

يا اخى الفاضل هنا شقق أقل من ذلك بكثير

وليس من الضرورى شراء شقة فى المنطقة من الممكن خارجها

او أن يتم التنسيق مع جهاز تنمية الحى

حتى يتم منحة شقة ايجار بمبلغ متوسط يقدر انو يدفعوا

ملاحظة

أن هذه الدراسة مبدئية ولو عرضت على من هم أصحاب عقول فى المنطقة التى تسكن بها

لزادوها أفكار وبساطة

لا نريد أن نغلق عقولنا على هذه الاشياء فقط

لان بالتأكيد سيكون هناك تسهيلات والاعفاء من بعض الشروط حسب حالت الشباب أو الشابة

لانه يمكن للسيدات أن يتبرعوا وذلك بان يذهبن لمسجد السيدات او يبعثن أحد بهذه الجنيهات

ويكون لهن شروط ايضا ومن الممكن توكيل بعض السيدات

لعمل لجنة فرعية للسيدات والشابات لتنفيذ نفس المهمة السابقة

وأيضا لا ننسى ان الكبار والشيوخ ستبرعو ويضعون فى الصندوق

و ايضا هناك رجال الاعمال وايضا هناك من الناس

من يتبرع بأشياء للمتزوجين وهذه تسهيلات لا أحد يتنبأ بها

وانا عن نفسى لأنى أسكن بمدينه دمياط الجديدة او دمياط عمتا

فان من الناس من هم يريدون أن لا يتبرعوا بمال

بل منهم وأخص بالذكر مصانع أثاث

منحت 10 حجرات نوم هدية للشباب

وهكذا سيستمر العمل الى أن يصبح جمعية كبيرة

ولكن نريد البدئ من هنا نحن

أن نذهب الى من هم مسؤلولن على الحى أو المنطقة التى تسكن من لجنه الزكاة

ونطرح الفكرة


واذا تمت الفكرة بنعم هى

وان لم تتم فهى كمثلها من الافكار الجميلة التى اندثرت

ولكن هيا بنا للعمل بجد نحو مستقبل أجمل


وبالله التوفيق والله المستعان