اللحمة ....خلي بالك دي كلها لحمة حمير .. وكمان عيانة وميتة تحت الكوبري بتاع الجيزة .. ده غير جنون البقر والبشر
الفراخ ...... انت اتجننت ...دي مليانة هرمونات وانفلوانزا طيور ..وبتسبب العقم ...
بيض ......... ماهو البيض من الفراخ يا ناصح
السمك ...... إلا السمك ده كله بتاع مزارع .. دول بيأكلوه حاجات ميته وساعات بيرمو جثث بني آدمين فيها .. تاكل بني آدمين يعني ؟؟
طب سمك من البحر .... ماهو البحر مليان صرف و مخلفات سفن ونفايات ذرية .
الفاكهه ..... أوعي .. دي كلها هرمونات ومبيدات ممكن تجيبلك بري بري و إستبحس
الخضراوات ... لأ لأ حاسب دي فيها ديدان شريطية وبتجيب فيروس كبد والعياذ بالله
فول ..... بيحطو علية الوان كيماوية و بيغشوه ببلاوي ..
طعمية ...... بلا قرف .. دي مقلية في زيت عربيات .. وزيت ديزل كمان
باذنجان .... دة فيه دود انت ما قريتش الموضوع بتاع التابعي .... يييععععععععععععع
كشري .........انت شايف الناس اللي بتعملو شكلهم ايه .... دول زي ما يكونو خارجين من صفيحة زبالة ... لألأ
طب اشرب حاجة ساقعة .... عليها مادة جلكول من بتاعت الريدياتيرا ..ممكن تبوظلك الترموستات بتاعت جسمك
اشرب عصير قصب .... قصدك عصير ميكروبات
اشرب عصير معلب ............ مليان حمض ستريك ومواد حافظة
طب اشرب ميه ...... اوعي ...المياه ملوثة والمبيدات بتاعة يوسف والي بهدلتها ممكن تجيبلك فشل كلوي

يا اهل المنتدي الكرام .... يا داكاترة المنتدي العظام ...... آكل إيه