الإمبراطور
المدير التنفيذى للمنتديات
العمل : 
مزاجك : 
الهوايه : 
الجنس : 
عدد المساهمات : 7123
تاريخ التسجيل : 29/01/2010
نقاط : 14908
الموقع : dodo_mo_2010_2050
 | |  تك ات ايزى ... تك ات ايزى | |
تيك إت إيزى ... تيك إت إيزى
حكمة قالوها بالإنجليزى
إعمل بيها تعيش مرتاح
خاف على أعصابك ياعزيزى
لما تشوف الدنيا بحالها
ماعادتش تلذ فـ أحوالها
وأما تشوف أفعال الناس
تستغرب وتقول إيه جرالها
تيك إت إيزى ... تيك إت إيزى
وأما تلاقى حرامى مبسوط
والمخلص مضروب بالسوط
وأما ربيع العمر يعدى
والأحلام جواك بتموت
تيك إت إيزى ... تيك إت إيزى
وأما تلاقى الزِمة خَراب
والشُرَفا عايشين أغراب
والدنيا حوالينا بتِغلا
والبنى آدم سِعرُه تُراب
تيك إت إيزى ... تيك إت إيزى
وأما الحب يكون شىء نادر
يتحكى عنه كإنه نوادر
وأما الشر يكون حواليك
تيجى تحاربه تقول مش قادر
تيك إت إيزى ... تيك إت إيزى
وأما الطيبة كمان تِتعَيِّب
ويقولوا عبيط علشان طيِّب
وأما الغدر يكون شىء عادى
واللى تظنه شريف مُتَسَيِّب
تيك إت إيزى ... تيك إت إيزى
وأما الراجل يصبح زيزى
والرقص يكون طَبع غريزى
إوعى تقول إيه جرى للدنيا
خاف على أعصابك ياعزيزى
و تيك إت إيزى ... تيك إت إيزى
| |
|
