انتي تهتمين بشكلك يعني ماتخافين ربك .. هذي النظره الخطأ للاسف صارت منتشره بشكل كبير جدا!!
ب:البنت الاولى
ج:البنت الثانيه
سُئلت (ب) من احدى صديقاتها وصلتي الى اي جزء بالقرآن انا وصلت الجزء الرابع
التفتت عليها (ج) وسألتها باستغراب انتي موصله الجزء الرابع؟
(ب): نعم وانتي؟
(ج): انا لسا مابديت
(ب): طيب ليه مستغربه؟
(ج): لا بس ماتوقعتك تقرين قرآن!
(ب) اندهشت وفي وجهها علامة تعجب واستفهام!!
قالت مالمانع بقراءتي للقرآن ؟
(ج): لا بس اهتمامك بشكلك وكذا مايعطي انك متدينه!
(ب): سبحان الله مايقرا قرآن الا المتدين؟؟ والمتدين يعني مايهتم بشكله؟
انا صحيح اهتم بشكلي لكن هذا مايمنع اهتمامي بديني!
الدين يحث على التزين والتجمل
"ان الله جميل يحب الجمال"
يعني اللي ماتهتم بشكلها ومبهذله وزاهده فيه هذي اللي تصلح تكون متدينه
واللي مهتمه بشكلها هذي ماتخاف ربي؟
سبحان الله!
"الحكم بالمظهر"
لا احد ينكر ان المظهر يعطي انطباع "اولي" عن الشخص
اذا كان مهتم بنفسه فالانطباع بيكون جيد
والعكس طبعاً
لكن المشكله الآن اصبحت مغالطات كبيره واختلط الحابل بالنابل دون وعي !
اللي تهتم بشكلها هذي منحرفه وتافهه وسطحيه .. وماتعرف دينها ولا تخااف من ربها
ونفس الشي ينطبق على الرجال ويُقال له ليس برجل .. الرجل بأخلاقه وليس بهندامه ... فقط لانه اعطى اهتمم لمظهره واناقته
صحيح ان الاخلاق عامل مهم وقبل كل شئ ولكن لابد من الاهتمام بجمال المظهر!
... همسة ...
لا تهتم بجمالك الخارجي ، وتُغفِل جمالك الداخلي !
فكلاهما مُكمّلٌ للآخر ...
تحياااتي المعطره
دائمة التفوق
السبت سبتمبر 04, 2010 1:30 am من طرف حسن البنا