6 طرق للانتحار .. تدخلك الجنة وليس النار .

طول عمرنا عارفين إن الانتحار حرام وعيب ومايصحش، والغريبة إنه ضار جداً بالصحة،
ده غير إنه كمان بيودي النار،
لكن المفاجأة الذكية اللي اكتشفناها مؤخراً إن فيه انتحارات جديدة لانج نزلت السوق مؤخراً مابتوديش النار؛
لأن اللي ميت منتحر الحكومة بتسميه شهيد بالصلاة ع النبي..
هنا 6 أنواع للانتحار بيدخلوا الجنة..

الطريقة الأولى:
لو عايز تنتحر وماتبقاش
منتحر في نفس الوقت عليك وعلى حي الدويقة ومنشية ناصر اللي الخنازير ماشية
بتلعب فيها، والناس بتهشهم ولا كأنهم قطط!! ده غير الروائح الكريهة الصعبة
لدرجة إن فيه سكان هناك بيحلفوا إنهم عمرهم ما فتحوا بلكوناتهم من ييجي
أكتر من 30 سنة.. كل ما عليك لو سيادتك مش لاقي شقة تسكن فيها وعايز تنتحر
لهذا السبب، إنك تجيب كام صفيحة حديد على كام خشبة مسوّسة، وتبني بيهم عشة
في حضن جبل المقطم، مع مراعاة أن يكون تسريب الصرف الصحي الخاص بك على أعلى
الجبل، وكلها شويتين والجبل مش هيستحمل الصرف الصحي بتاعك أنت واللي معاك
وهينزل على نافوخكم واحد واحد وكلكم تتكلوا على الله في ثواني، وحتى اللي
هينجى منكم وهيفضل حي تحت الأنقاض محدش هيعرف ينقذه أو يوصل له وبرضه هيموت
هيموت، والذنب طبعاً هيكون على الحكومة اللي ما وفرتلناش سكن غير في
المناطق العشوائية اللي في حضن الجبل اللي صخوره وحجارته مابترحمش وبتنزل
على الغلابة تدفنهم بالحيا.
6 طرق للانتحار .. تدخلك الجنة وليس النار . - صفحة 3 5

6 طرق للانتحار .. تدخلك الجنة وليس النار . - صفحة 3 5

6 طرق للانتحار .. تدخلك الجنة وليس النار . - صفحة 3 Fa5b5833c2

الطريقة التانية:
ركوب الأوتوبيسات اللي بتطلع على الكباري
وهي متكدسة بالبشر زي الأوتوبيس اللي وقع بالركاب بتوعه من كام سنة من على
كوبري في الجيزة وكل اللي فيه ماتوا، والناس الغلابة اللي كانوا ماشيين في
حالهم لا بيهم ولا عليهم تحت الكوبري برضه ماتوا، وعندك كمان كوبري السيدة
عائشة اللي كل سنة يقع من عليه أوتوبيس أو ملاكي أو تاكسي أو عربية جيش،
وآخر مرة الأرض هبطت تحت الكوبري، وطبعاً الحكومة هتعتبرك شهيد وتصرف لأهلك
مكافآت كمان.
6 طرق للانتحار .. تدخلك الجنة وليس النار . - صفحة 3 Fa5b5833c2

الطريقة التالتة:
بعد صلاة الفجر تصلي
ركعتين لله تودع بيهم دنيتك وتسلم على كل أهلك ومعارفك وتسدد الديون اللي
عليك وتسيب وصيتك وتجهز نفسك للعملية الانتحارية.. لأ يا راجل.. يا راجل مش
في فلسطين..
إحنا بنتكلم عن عملية انتحارية هنا في مصر بتحصل كل فجرية في طوابير العيش
على الأفران البلدي ولو أخلصت النية لله هتموت يعني هتموت مالهاش حل
تاني..
6 طرق للانتحار .. تدخلك الجنة وليس النار . - صفحة 3 Fa5b5833c2

الطريقة الرابعة:
حج البيت لمن استطاع إليه سبيلاً..
تجهز كل تحويشة عمرك وفي الغالب مش هتكفي إنك تطلع للسعودية طيران، يبقى
يا معلم مفيش غير العبارة، ناقص بس تلبس ملابس الإحرام وأنت في العبارة
عشان تكون متكفن جاهز وشوية وهتغرق بيك المركب ولو ما موتش غرقان يبقى
القرش هياكلك وهتبقى ميت شهيد وتبقى آبا الحاج الشهيد، وسلم لي على "ممدوح
إسماعيل"!
6 طرق للانتحار .. تدخلك الجنة وليس النار . - صفحة 3 Fa5b5833c2

الطريقة الخامسة:
أكيد طبعاً شفت إعلانات الحكومة اللي بتقول
لك لازم تلحق القطر قبل ما القطر يفوتك.. لو أنت ليك مزاج تموت بقى وخايف
تتحسب عليك الموتة انتحار وتدخل جهنم يبقى عليك وعلى الحكومة.. أيوه زي ما
بقول لك كده يالا بسرعة إجري إلحق القطر، وساعتها تبقى موتة ومكتوبة لك
حاجة ببلاش كده.. يا إما القطر هيولع بيك والسواق هيفصل العربيات المحروقة
عشان تواجه مصيرك مع نفسك زي ما حصل في قطر الصعيد من 6 سنين، يا إما
هتتزنق وتروح الحمام وممكن وأنت قاعد منسجم وواخد راحتك ع الآخر تلاقي دورة
المياه وقعت بيك تحت القطر يا إما القطر يخرج عن القضبان ويتشقلب بيك في
الهوا، يا إما عربية تريلا فراملها تسيب وتلبس في القطر زي قطر مطروح، وفي
كل الأحوال سيادتك ميت ميت.
6 طرق للانتحار .. تدخلك الجنة وليس النار . - صفحة 3 Fa5b5833c2

الطريقة السادسة:
محدش فينا ماسمعش عن طريق المحور اللي
المفروض إنه بيختصر الطريق.. وماحدش فينا برضه ماسمعش عن الحوادث والكوارث
اللي بتحصل عليه كل يوم.. كل ما عليك بقى لو أنت وعايز تنتحر بشياكة إنك
تتلكك وتروح أي مشوار بيعدي من على المحور،
ولو حتى تروح تجيب من هناك ترمس، وساعتها هتلبس هتلبس مفيهاش كلام وتبقى
برضه ميت شهيد على حسب تصريحات السيد وزير النقل والمواصلات والسيد وزير
الصحة والسكان وقبل منهم السيد رئيس الوزراء وصورتك تيجي في الجرايد ببلاش
من غير ما تكلف عيلتك
حق النعي في صفحة الوفيات..
وصباح الخير يا مصر..

ده كله كان هزار
ارجوك متزعلش
ربنا يوفقكم انت و الفريق التانى

طول عمرك مفتريه
هههههههههههه
متزعليش منى انا كمان

خلاص كل واحد يحدد الميعاد بتاع الانتجار بتاعه
علشان نبقوا متفقين
وانا هفكر فى الميعاد وهقولكم

طول عمرك مفتريه
ربنا يسمحك برده

طول عمرك مفتريه
ربنا يسمحك برده

سيبيهاعلى الله

اسيبها على ربنا ازاى
وحضرتك نازل فيا شتيمة
من اول مدخلت شوية تقولى يا مفترية
وشوية تقولى يا فقر
بس برده
ربنا يسمحك

ما انتى قولتى امبارح الله يجحمك

انسى كل الى فات
وانا فى غاية الاسف
sorryyyyyyyyyyyyyyy

خلاص يا جماعه استهدوا بالله
فيه ايه
وخلاص بأه يا محمد انت وسوبركات
كنا كويسين الاول

رمضان كريم بقى ياسوبر كات

الله اكرم
بقى
يا امبراطور

وواحاوى انتوا الاتنين

عيد سعيد رمضان كريم

كل سنة وانتوا طيبين يا جماعة
يلا بقى انتشروا فى مواضيع تانية

طيب انا منتشر فى الموضوع ده

دا انتو العن من فيرس سى

فيرس سى ايه بس الله يحرقك ياخى
حرام عليك ده احنا لس بنبدا ونقول ياهادى فى شبابنا

تانى با امبراطور
مش هنخلص بقى النهرده
انا ماشية

سوبر كات مستنيه من ساعه

انا مستنياكى من
الساعة 11 مجتيش من بدرى ليه

بس منورين الموضوع

من الرغم انه باظ

بس مش مهم

نورتو

متفقين 1

انت من بدرى بقى

خلاص مشوها فيرس بى

لا حلوة يامحمد
مينفعش تمشى بقى عشان نتقابل فى الجامع
وياله روح اتسحر عشان حنقعدوا وعايزينك ضرورى

مشفش الامل فى عيون الولاد وصبايا البلد

لا ده شاف خيابه امل ايه
امل دى زمانها فى سابع نومه دلوقتى
وياله اقوم امشى بقى عشان نروح الجامع

ولا شاف النيل فى احضان الشجر
ولا سمع مووايل فى ليالى القمر

خلاص يا شاديه

شاديه شاديه
شوف دى شوف دى
عليا الطلاق اتخضيت ياحج كامل

ماشى ياعمر

كتكووووووووووووووووووووووت

حلوة يا امبراطور

بالعكس بااااااااااااااايخه

اوى

بايخه اوووى اممممممممممممممم
متشكر ياقطه اللى نصرانى علطول

قطه نصره الكل

يلا يا محمد توكل على الله واوعدك هدعيلك ليل ونهار ربنا يسمحك
وهملك شادر ماتعملش فى الرحمانيه بس انوى انتا بس

انا وحيييييييييييييد مينفعش
روحى انتى فيه غيرك اتنين

رائع بجد

الموضوع تحفة بس دلوقتى فى طوابير العيش مبقاش فى انتحار لده على حسب كلام وزير التضامن

» اعمال تدخلك الجنة
» .•° لماذا يطلق عليك عضو وليس مشارك؟! .°•.ღ.•°
» لماذا لدينا انف وليس مجرد فتحتين ؟
» الاعتذار قوة وليس ضعف
» وصف اهل النار؟؟؟؟؟؟

6 طرق للانتحار .. تدخلك الجنة وليس النار .

6 طرق للانتحار .. تدخلك الجنة وليس النار . :: تعاليق

6 طرق للانتحار .. تدخلك الجنة وليس النار .

مواضيع مماثلة

مواضيع مماثلة