فارس بلا جواد عضو مرشح للإشراف
عدد المساهمات : 723 تاريخ التسجيل : 15/07/2010 نقاط : 6091 الموقع : ساكن فى قلب وعقل اى حد يفهمنى صح
| | نداء عاجل للجميع ... رسالة! | |
صحيت من النوم فجأة شفت نور غريب المشكلة ان نور الاوضة طافى الساعة كانت 3 ونص الفجر طيب النور ده كله جى منين؟تفاجأت لما لقيت يدى نصها فى الحيطة طلعتها بسرعة وانا خايف وقعدت اشوفها دخلتها تانى فى الحيطة ... تدخل! سمعت صوت ضحك بصيت حوليا لقيت اخويا نايم قمت من السرير وانا خايف ... رحت اصحيه بس ماردش عليا رحت اوضة امى احاول اصحى ابويا عايز حد يرد عليا ...بس ماحدش رد رحت لامى اصحيها ... فجأة قامت امى من النومقامت من النوم بس ما كلمتنيش كانت تسمى ( بسم الله الرحمن الرحيم ) وتكررها كتير ... امى صحت ابويا من النوم وقالتله ... قوم قوم, عايزة اطمن على الاولاد ابويا استغرب وقالها مش وقته خلينى انام وبكرة الصبح ان شاء الله نطمن عليهم لكن باصرار امى , قام ابويا من النوم مستغرب وراحو سوى مع بعض قعدت اصرخ ... امى ! ابويا !... بس ماحدش رد عليا مسكت هدومها عشان تسمعنى , بس ماحستش بيا مشيت وراها لحد ما وصلت اوضة النوم دخلوا اوضة النوم وشغلو النور ماكنتش تفرق معايا لان الدنيا منورة اصلا بس! اتفاجأت لما شفت حاجة غريبة شفت جسمى ايوة جسمى انا قعدت ابص لنفسى لقيتنى بقيت اتنين ... قلت فى نفسى مين ده؟ وازاى يشبهنى؟ قعدت اضرب فى نفسى عشان اصحى من الحلم الكئيب ده بس ماصحتش ابويا قال:شفتى؟اهم نايمين..ياللا بقى نمشى ننام لكن امى ماستريحتش وراحت عند اللى كان نايم مكانى قالت:تتتتت قوم رد عليا بس ماردش حاولت اكتر من مرة...وفجأة بدأ ابويا يبكى ابويا اللى كان دايما قوى واللى عمرى ماشفته يبكى دموعه شفتها النهاردة بدأ الصراخ يعلى شوية وصحى اخويا وقال: فى ايه؟ امى قالتله وهى بتصرخ: أخوك مات تتتتتت مات زاد الصراخ رحت لامى قلتلها ماتبكيش انا هنا ماحدش بيرد عليا ليه؟ قعدت اصرخ: انا موجوووووووووود, شوفو بس ماحدش بيرد قعدت اصرخ واقول يااااااارب يااااااارب يخلص الحلم اللى انا فيه سمعت صوت جى من بعيد وبيعلى شوية شوية وبعدين سمعت قول الله تعالى: ( لقد كنت فى غفلة من هذا فكشفنا عنك غطاءك فبصرك اليوم حديد) فجأة...اتنين مسكونى, بس مش من البشر خفت قعدت اصرخ: سيبوووونى سيبوووونى انتو مين؟ وعايزين منى ايه؟ قالوا: احنا حراسك لحد القبر قلتلهم:انا مامتش , انا لسة حى ليه تودونى القبر؟ سيبونى انا باحس واتكلم واشوف, انا لسة مامتش ردو عليا بابتسامة قالوا:عجيب امركم يابشر, بتظنو ان الموت نهاية الحياة, ومش عارفين ان الحياة اللى كنتو عايشينها هى حلم قصير بينتهى لما تموتوقعدو يسحبونى لحد القبر واحنا ماشيين فى الطريق شفت ناس بتضحك وناس بتبكى وناس بتصرخ وكل واحد معاه اتنين زييى قالولى: الناس دول عارفين مصيرهم, منهم اللى كان على ضلال قاطعتهم وانا خايف: يعنى هايروحو النار؟ قالوا: ايوة وكملو كلامهم:واللى بيضحك ده رايح الجنة. رديت بسرعة: وانا رايح فين؟؟؟؟ قالولى: انت كنت شوية تمشى صح وشوية تمشى غلط شوية تتوب وترجع اليوم التانى تعصى ربنا وماكنتش واضح مع نفسك وهاتقعد كدة تايهقاطعتهم وانا خايف: يعنى اييييييييييييه؟ يعنى انا هاروح النار؟ ردوا عليا: رحمة الله واسعة والرحلة لسة طويلة. بصيت وانا خايف شفت اهلى: ابويا وعمى واخواتى كانو شايلينى فى صندوق رحتلهم جرى قلتلهم ادعولى بس مافيش حد رد عليا رحت لأخويا وقلتله اوعى الدنيا وفتنتها , اوعى تغريك كنت اتمنى انه يسمعنى شدونى الملكين لقبرى ونومونى فوق جسدى شفت ابويا وهو بيرمى التراب عليا شفت اخواتى وهما بيرمو التراب شفت الناس كلها ترمى التراب فوقى تمنيت لو انى مكانهم فى الدنيا كنت تبت كنت صليت الفجر امبارح كنت دعيت ربنا كل يوم كنت جددت توبتى كل يوم كنت بطلت معاصى قعدت اصرخ: ياناااااااااس انتبهو من الدنيا لا تغركم تمنيت لو حد يسمعنىفهل انتم سمعتمونى؟قد تكون هذه اخر مشاركة لىفادعوا لىلا اله الا انت سبحانك انى كنت من الظالمين | |
|
الثلاثاء يوليو 27, 2010 12:52 pm من طرف _star_