حملة الاستعداد للشهر الكريم

السلام عليكم ورحمة الله وبركاته
اخواني واخواتي
كل سنة وانتوا طيبين ومن طاعة ربنا قريبين
عارفين ياجماعة
احنا في شهر ايه من الشهور الهجرية؟ احنا فى شهر شعبان يااااااااااااه
يعني خلاااااااااص أسابيع قليلة وندخل على شهر رمضان؟؟ إيه ده؟؟ ده رمضان
قرب اووووى واحنا مش مستعدين ....

طاب
تيجوا نبتدي من النهاردة.... خلاص من النهاردة لسانا مش هيبطل يدعي (اللهم بلغنا رمضان راض عنا غير غضبان) ايوا من
النهاردة والمفروض كمان نكون بندعي بالدعوة دي من 5 شهورفاتوا اقتداء برسولنا الكريم صلوات ربي وسلامه عليه والصحابة رضي
الله عنهم وارضاهم اللي كانوا يفضلوا 6 شهور قبل رمضان يدعوا ربنا يبلغهم
رمضان......
لكن اللي مبتداش يلا مع بعض نبتدي من
النهاردة

واهم الخطوات
للاستعداد هى:
1-التوبة(تبنا الي الله ورجعنا الي الله وندمنا علي ما فعلنا
2-قيام الليل
3-القران الكريم
4-صلاة
النوافل(السنن المؤكدة)
5-الدعاء
6-صلة الرحم
7- الصدقة

بصوا يا جماعة هدفنا من الحملة باختصار هو تجهيز قلوبنا
عشان العبادات تبقي يسيرة علينا....اكيد كلنا عارفين حالة قلوبنا اللي
بتبقي عليها في رمضان ولو قارناها بحالة قلوبنا دلوقتي هنلاقي ان احنا
قلوبنا بعيدة كل البعد عن الحالة الايمانية الجميلة اللي بنكون عايشينها في
رمضان.... يبقي يوم ما نجهز قلوبنا هتبقي كل حاجة سهلة....يوم ما هنطلب
نصلي ركعتين هنلاقي نفسنا بنصلي عشرة.....يوم ما نقول نقرا جزء قرآن هتلاقي
نفسك بتقرا جزئين.... يوم ما نقول ندعي ونرفع ايدينا حتي ولو 10 دقايق في
اليوم هنلاقي نفسنا مش عايزين ننزل ايدينا ومش عايزين نخلص دعاء....مش
عايزين نطلع من حالة القرب والخشوع الجميلة.

والحملة حتكون مكونة من 4 جداول كل اسبوع فى جدول جديد
وكل جدول فى عبادة زيادة والمطلوب ان كل واحد يضع علامة فى الجدول تحت
العبادة الى عملها ويبعت الجدول فى اخر الاسبوع وانا حكتب اسماء الاعضاء
المشتركين فى الحملة

يا إخواني ويا أخواتي العمل ده عمل جماعي مش عمل فردي
يبقى لازم نساعد بعض ونكمل لبعض ونفيد بعض، هستني منكم مشاراكات تعلي
همتنا، هستنى أعضاء ايجابيين للحملة، شاركونا وأفيدونا، وماننساش أهم
دعاء(اللهم بلغنا رمضان)

ومن باب زيادة المنافسة نعمل تمييز للأعضاء الفعالين في
الحملة بألوان مختلفة في كتابة الاسم وكمان بالنجوم..

اللهم بلغنا رمضان راض عنا غير
غضبان

حملة الاستعداد للشهر الكريم

حملة الاستعداد للشهر الكريم :: تعاليق

حملة الاستعداد للشهر الكريم