زى ماتيجـــــى
لازم انسى وزى ماتيجى
يمكن لو نسيت هو لوحده ييجى
بس هانسى؟ ماانا لازم انسى
انا عارفة نفسى عمرى ماهأسى
عمرى ماهاجى عليه ,, عمرى ماهجرح فيه
انا عشت معاه ايام ... احلى مافيها انه معايا
عشان كده بقول لنفسى
الجرح مش طبعه .. يمكن هو برضه البعد واجعه
بس الزمن خلاه يقدر عالبعد .. خلاه يفكر ننسى بعض
خلاه يفكر انه كده بيسعدنى
. لما عنه بيبعدنى
هو سهل على قلبى يحب حقيقى
لما يبقى سهل الحب يبعد عن طريقى
وارجع واقول ,,, احساسى بانك قادر عالفراق بيجرحنى
وبعادك يطول ,,, وانت عارف ان البعد عمره ماهايفرحنى
وعارف انى مستعدة اكونلك مهما طال الزمن
مش عدل انى احب بضمير وعشان حبى ادفع التمن
انت عمرك ما هونت عليا
كنت بتبعد وتجينى .. تلاقينى
قلبى مستنيك وروحى تروح عليك .. وماتصدق تشوفك عنيا
ليه اهون عليك عشان ظروف فى خيالك انت بس
ليه مش قادر تصدق ان قلبى بغيرك مش هايحس
ماتفتكرش انك بتعمل لصالحى .. انت بتساعد الايام على جرحى
انت بتظلمنى .. ازاى قادر تبقى بعيد وانت عارف ان بعدك بيألمنى
نفسى اسألك ونفسى اشكيلك منك
ونفسى اعرف
تحب ليه وتخلينى احبك
ماينفعش نحب ونفكر ان الحب ايامه كلها ربيع
ماينفعش نحب واما تيجى علينا الظروف قبل مانفكر نبيع
انا باقية عليك لوباقى عليا
(.............)
زى ما تيجى