يانار كون على إبراهيم بـرد وسـلام
وتلقفي ياعصى موسى عصي ألعصـاه
أفحمتي اكبر ثقافات الأمـم بالخصـام
ودهيتي أدهى دهاة الأرض وأنتي عصاه
وآنا متكي على متنـك وقايـم قيـام
أرهقني بطولة إعجابه وعـرض التبـاه
افطر الفكر من لهثـة بقايـا الصيـام
واطعمه بالصبر واروي حنايـا ظمـاه
واجاوبه يوم يدعينـي يقـل ياغـلام
تعال شوف المسا لون بحزنـك سمـاه
تعال قدام مايصحـى مسـاك وتنـام
اشعل قناديل شعرك في صدور الـرواه
وخلهم يكتبونك فـي عيـون الكـلام
وباختـلاف الزوايـا يقـرؤك الهـواه
ابطيت ميت امل وتبعت ركظ وهيـام
وشبعت غبن وقهر بين الرجـا والتيـاه
قلت ايييه ياحظ لو لي في عيونك حيام
والسعد ميل على صدر التعب واحتـواه
ماكان ظلا لوجـدان المعانـي حطـام
ولا لوت فوق حبـات المعـزه رحـاه
دنق وشف كيف تركع بالتراب العظام
وبطش الايام ماخلا عضـو ماوطـاه
دقدق نحور الوقا اثلم حـدود الحسـام
ولابقي عرق من نبض الألـم مامشـاه
*****
شف كيف دقت نحور العيس يامن وشام
وكيف نخ الجمل حمله وخارت قـواه
وبنيـت بالديـن والآداب وألاحتـرام
الشاعر المسلم المتواضـع اللـي تـراه
وابشرك بآخـر المعنـى وراس الكـلام
آنا وانا اعوذ بالله مـن أنـاة الأنـاه
اذا ظهرت اقسم اني ما أجي الا سنـام
واذا غمرني التعفف يكفي انـي نـواه